ऍपल इव्हेंट 2024 हायलाइट्स : iPhone16

ॲपलच्या ‘इट्स ग्लोटाइम’ इव्हेंट काल सोमवारी स्टीव्ह जॉब्स थिएटरमध्ये क्यूपर्टिनो, कॅलिफोर्निया येथील मुख्यालयात पार पडला; जो आपल्यातील अनेकांनी लाईव्ह पहिला असेल. या कार्यक्रमाला अनेक तंत्रज्ञान प्रेमींची हजेरी सुद्धा लावली होती. त्यानंतर काही वेळात ॲपलचे सीइओ टिम कूक यांच्या रेकॉर्डेड भाषणाने कार्यक्रमाची सुरुवात झाली. तर या इव्हेंटमध्ये ॲपल वॉच १०, आयफोन १६, आयफोन प्लस १६, आयफोन प्रो १६, आयफोन मॅक्स १६, ॲपल वॉच एसई, ॲपल वॉच अल्ट्रा २, एअरपॉड्स ४ लाँच करण्यात आला आहे. ॲपलच्या ‘इट्स ग्लोटाइम’ इव्हेंटमध्ये लाँच झालेल्या प्रोडक्ट्सचे फीचर्स काय असणार, तसेच त्यांची भारतात किंमत काय असणार त्याबद्दल या लेखातून सविस्तर जाणून घेऊयात.

 

आयफोन १६ (iPhone 16) :
ॲपल एअरपॉडस् ४ (Apple AirPods 4)
ॲपल वॉच १० (Apple Watch Series 10) :

आयफोन १६ मध्ये कस्टमाइज ॲक्शन बटन, कॅमेरा कंट्रोल बटन असणार आहे. आयफोन १६ मध्ये ए १८ नवीन चीप असेल ; जी १५ पेक्षा ३० टक्के वेगात करणार करून ऊर्जेचा ३० टक्के बचत सुद्धा करेल. आयफोन १६ मध्ये ६.१ इंचाचा सुपर रेटिना XDR OLED डिस्प्ले तर देण्यात आला आहे. तसेच यात iOS 18 सह Apple Intelligence (AI) सिस्टम देण्यात आली आहे. खास गोष्ट म्हणजे आता iPhone 16 मॉडेल्स AAA गेम्सला सपोर्ट करतील. आणि दोन्ही मॉडेल्स यूएसबी टाईप-सी ( Type-C) पोर्ट सह येतात. आयफोन १६ मध्ये मोठी बॅटरीसह वेगवान चार्जिंग होणार आहे.

आयफोन१६ मध्ये प्रायव्हसी प्रॉमिस असेल ; ज्यामुळे तर थर्ड पार्टीही व्हेरिफिकेशन करू शकेल. अर्थात प्रायव्हसीची खातरजमा अगदी व्यवस्थित होईल. आयफोन १६ तुम्हाला हव्या असलेल्या फोटोच्या माध्यमातून तुमच्या आठवणींचा शोध घेण्यात मदत करेल. कारण – सिरीही एआयच्या मदतीने अधिक स्मार्ट झाला आहे. तुम्ही फक्त ॲपल इंटेलिजन्सच्या मदतीने सिरीला आदेश द्या, तो तुमचे काम काही सेकेंदात, अधिक सोप्पे करून देईल. तसेच खास गोष्ट अशी की, आयओएस १८ सह येणारा ॲपल इंटेलिजन्स जगातील अनेक भाषांमध्ये येणार आहे. 

ॲपल एअरपॉडस् ४ (Apple AirPods 4)

एअरपॉडस् ४ मध्ये चार्जिंग केस आता यूएसबी-सी ( USB-C) पोर्टसह असणार आहे. तसेच इतरांशी संवाद साधताना एअरपॉडस्चा आवाज कमी होईल आणि बोलणं संपल्यावर पुन्हा आवाज पहिल्यासारखा येईल. मशीन लर्निंगचा नवा अवतारसह एअरपॉडस् फोर ४ मध्ये आता वायरलेस चार्जिंग सुद्धा युजर्ससाठी उपलबद्ध करून देण्यात आलं आहे.तसेच सिरीला प्रतिसाद देण्यासाठी तुम्ही ‘होय’ किंवा ‘नाही’ म्हणून तुम्ही डोकं हलवू उत्तर देऊ शकता.याचबरोबर तुम्हाला ३० तासांची बॅटरी लाईफ सुद्धा मिळणार आहे.

एअरपॉडस् प्रो मध्ये आता हिअरिंग प्रोटेक्शन देण्यात येणार आहे; ज्यामुळे कानाच्या आरोग्याचीही काळजी घेतली जाणार आहे. एअरपॉडस् हिअरिंग एडचेही काम करणार आणि बहिरेपणा टाळण्यास मदत करणार आहे. 

ॲपलच्या (Apple) ‘इट्स ग्लोटाइम’ इव्हेंटची सुरुवात इंटेलिजन्ट ॲपल वॉचने १० ने झाली. या वॉचमध्ये तुम्हाला मोठा डिस्प्ले, स्क्रीनवरचा मजकूर वेगात वाचता यावा यासाठी स्क्रीन एरिआ ३० टक्क्यांनी वाढवला सुद्धा आहे. ॲपल वॉचवर टाइप करणेही सोप्पे होणार आहे. ॲपल वॉच १० मध्ये जेट ब्लॅक फिनिश, ॲल्यिमिनियम अलॉयमधील बॉडी, आकार, रचना आणि वजन सारे काही नवीन असणार आहे. तसेच स्पीकरचा आकार ३० टक्क्यांनी कमी पण तरीही अगदी स्पष्ट ऐकू येईल असा देण्यात आला आहे. तर सगळ्यात महत्वाचे आणि युजर्ससाठी उपयोगी असे फास्टेट चार्जिंक ॲपल वॉच ३० सेकंदात ८० टक्के चार्जिंग करून देणार आहे. तसेच हे वॉच तुम्हाला तीन रंग पर्यायांमध्ये उपलब्ध असणार आहे.

याचबरोबर ॲपल वॉच १० ला टायटॅनियम बॉडी असणार आहे. हे वॉच तुमच्या निद्रानाशाचा, तुमच्या श्वासांमधील अनियमिततेचा शोध घेण्यास मदत करणार आहे. तसेच युजर्सना वॉचमध्ये स्लीप अप्निया नोटिफिकेशनही मिळेल. त्याचबरोबर तुमची झोप किती चांगली झाली आहे, याचे विश्लेषण ॲपल वॉच एका नोटिफिकेशनमध्ये देईल. तुम्ही पाण्यात गेल्यावर तुमच्या आरोग्याचीही काळजी घेईल. या सगळ्या फीचर्सबरोबर ॲपल वॉच १० हे आजवरचे सर्वात पातळ (थिन) वॉच ठरणार आहे.

त्याचबरोबर ॲपल ( Apple) वॉच अल्ट्रा २ ची सुद्धा घोषणा करण्यात आली आहे ; जे प्रामुख्याने खेळाडूंसाठी डिझाइन करण्यात आले आहे. ॲपल वॉच अल्ट्रा 2 सॅटिन ब्लॅकमध्ये स्क्रॅच प्रतिरोधक केस, पॅराशूट लॉक-इन मेकॅनिझमसह ब्लॅक टायटॅनियम बँड्ससह उपलब्ध असणार आहे. ॲपल वॉच अल्ट्रा २ ची किंमत अमेरिकन डॉलर ७९९ ($799) पासून सुरू होते आणि २० सप्टेंबरपासून विक्रीसाठी उपलब्द असणार आहे.

 

कार्यक्रमात लाँच झालेल्या ॲपल ( Apple) प्रोडक्टची भारतातील काय असणार किंमत ?

भारतात ॲपल (Apple) आयफोन १६ ची किंमत ७९,९०० पासून सुरू होईल. आयफोन १६ प्लसची किंमत ८९,९०० रुपयांपासून, तर आयफोन १६ प्रोची किंमत १,१९,००० रुपयांपासून सुरू होऊ शकते. तर आयफोन प्रो मॅक्सची किंमत १,४४,९०० रुपयांपासून सुरू होऊ शकते. तसेच ॲपल वॉच सिरीज १० ची किंमत ४६,९०० रुपये ॲपल वॉच एसई २४,९०० रुपये ॲपल वॉच अल्ट्रा २ ची किंमत ८९, ९०० रुपयांपासून सुरु होईल तर एअरपॉड्स ४ ची किंमत १२,९०० रुपयांपासून सुरु होणार आहे ; असा अंदाज वर्तवण्यात आला आहे.

-----------------------------------------------------------

संदर्भ : सदर माहिती हि  www.loksatta.com मधून घेण्यात आली असून सर्व फोटो हे @Apple / युट्युब / स्क्रिनशॉट) यावरून वापरले आहे. माहितीमध्ये काही बदल असू शकतो. लेखक, प्रकाशक या लेखातील माहितीशी सहमत असतील असे नाही.  

(आमचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर, लिंक्डइन, वर फॉलो करू शकता.)